Պրոֆեսիոնալ բռնցքամարտի գերծանրքաշային կարգում WBA, WBO, IBF եւ IBO վարկածներով աշխարհի չեմպիոն Վլադիմիր Կլիչկոյի ընկերուհին՝ ամերիկացի հայտնի դերասանուհի Հայդեն Պանետյերը հաստատել է ուկրաինացու հետ նշանվելու փաստը, հաղորդում է Just Jared-ը։
24-ամյա դերասանուհին Good Morning America հեռուստահաղորդման ժամանակ ցուցադրել է մատանին, ապա նաեւ հաստատել, որ նրանք նշանադրվել են։ Ամերիկուհին հայտնի է «Հերոսներ» սերիալից։ Բացի այդ, Maxim ամսագրի վարկածով՝ դերասանուհին աշխարհի ամենասեքսուալ կանանց ցուցակում զբաղեցնում է 30-րդ տեղը։
Ավելի վաղ հաղորդվում էր, որ ուկրաինացի 37-ամյա բռնցքամարտիկը եւ 24-ամյա Հայդեն Պանետյերը գաղտնի նշանադրվել են եւ նախատեսում են ամուսնանալ ամռանը, սակայն հարսանիքն այդպես էլ տեղի չունեցավ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։