Վլադիմիր Կլիչկոն 7,2 կգ ծանր է Ալեքսանդր Պովետկինից
18:12 4 հոկտեմբերի, 2013Պրոֆեսիոնալ բռնցքամարտի գերծանր քաշային կարգի աշխարհի ուկրաինացի սուպերչեմպիոն Վլադիմիր Կլիչկոն 7,2 կգ ծանր է ռուսաստանցի Ալեքսանդր Պովետկինից, որի հետ կմենամարտի հոկտեմբերի 5-ին Մոսկվայի «Օլիմպիական» մարզապալատում:
Կլիչկոյի քաշը 109,6 կգ է, Պովետկինի քաշը՝ 102,4 կգ: Ռուսաստանի մայրաքաղաքի «Ատրիում» առեւտրի կենտրոնում կայացած կշռման արարողությանը ներկա են եղել անցյալի հռչակավոր բռնցքամարտիկներ Ջորջ Ֆորմանն ու Զաբ Ջուդան եւ բրիտանացի գործող բռնցքամարտիկ Դերեկ Չիսորան:
Ռուսաստանի պրոֆեսիոնալ բռնցքամարտի ֆեդերացիայի փոխնախագահ, գործարար եւ մենամարտի կազմակերպիչ Անդրեյ Ռյաբինսկին հայտնել է, որ մենամարտի կազմակերպման վրա արդեն ծախսվել է 25 միլիոն դոլար, հաղորդում է ԻՏԱՌ-ՏԱՍՍ-ը:
Վլադիմիր Կլիչկոն աշխարհի չեմպիոն է WBA WBO, IBF, IBO վարկածներով: Պովետկինը WBA վարկածով կանոնավոր չեմպիոն է: Կլիչկոն պրոֆեսիոնալ ռինգում տարել է 60 հաղթանակ, կրել է 3 պարտություն, Պովետկինն ունի 26 հաղթանակ եւ ոչ մի պարտություն չի կրել:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։