«Ուեմբլի», «Սանտյագո Բերնաբեու», «Կամպ Նոու», «Ստադ դը Ֆրանս» եւ մյուս լեգենդար եվրոպական ստադիոնների կողքին Հին աշխարհամասն ունի նաեւ արտառող բնակլիմայական եւ ռելիեֆային պայմաններում գտնվող ստադիոններ: Աշխարհի առաջնության ընտրական մրցաշարի հերթական հանդիպումներից առաջ դրանց մասին հիշել է բրիտանական dailymail-ը:
Խորվաթիայի «Գոսպին Դոլաց» ստադիոնը ժայռերի կողքին է, իսկ ժայռերի վրա հին քաղաքի ավերակներ են:
Ֆարերյան կղզիների «Էյդի Ստադիումը» բառացիորեն Ատլանտյան օվկիանոսի ափին է:
Անդորրայի «Կոմունալ դ՝Անդորրա լա Վելյան» շրջապատված է Պիրենեյան լեռներով:
Ֆարերյան կղզիների «Տորշտվոլ» ստադիոնը լեռնային տեղանքում է: Հանդիպումների ընթացքին կարելի է հետեւել որոշ տների պատուհաններից:
Շվեյցարիայի «Օտմար Հիտցֆելդ» ստադիոնն ամենաբարձրն է Եվրոպայում՝ 2 հազար մետր: Այստեղ հնարավոր է հասնել միայն ճոպանուղիով:
Ջիբրալթարի «Վիկտորիա» ստադիոնը գտնվում է հռչակավոր Ջիբրալթարյան ժայռից մի քանի մետր հեռավորության վրա:
Իսլանդիայի «Հաստեյնսվելյուր» ստադիոնը մի քանի մետր է հեռու հրաբխից:
Խորվաթիայի «Կանտրիդա» ստադիոնը կառուցվել է լեռան մեջ փորված տարածքում, Ադրիատիկ ծովի ափին:
Եվրո-2004-ի համար կառուցված Պորտուգալիայի Բրագա քաղաքի մունիցիպալ ստադիոնի դարպասներից մեկի հետեւում տրիբունայի փոխարեն ժայռ է, որի վրա դրված է լուսատախտակը:
Լիխտենշտեյնի «Ռայնպարկ» ստադիոնը շրջապատված է Ալպերով:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։