«Չեմ զղջում, քանի որ խնդրածս մեծ բան չէր»: Այս մասին NEWS.am Sport-ի թղթակցի հետ զրույցում պատմեց պերուական «Ալիանսայի» ֆուտբոլիստ Մաուրո Գեւգեոզյանը, ով ձմռանը ֆուտբոլի Հայաստանի հավաքականին միանալու հրավեր էր ստացել, սակայն չէր եկել:
Մաուրո, ինչպե՞ս են գործերդ նոր թիմում: Ինչո՞ւ տեղափոխվեցիր Լիմայի «Ալիանսա»:
«Ալիանսա» Պերուի ամենամեծ թիմերից մեկն է, որն ունի 10 միլիոնից ավել երկրպագու: Շատ ուրախ եմ, որ հանդես եմ գալիս այստեղ: Իսկ ընտրեցի այն, քանի որ «Ալիանսան» միջազգային ճանաչում ունեցող թիմ է:
Ձմռանը տեղափոխվեցիր պարագվայական «Լիբերտադ»: Ինչո՞ւ չստացվեց այնտեղ ամրապնդվել:
«Լիբերտադում» ինձ հնարավորություն չէին տալիս: Իմ դիրքում հանդես էին գալիս Պարագվայի հավաքականի երկու ֆուտբոլիստներ:
Չե՞ս զղջացել, որ ձմռանը չմիացար Հայաստանի ազգային հավաքականին:
Ո՛չ, չեմ զղջացել, քանի որ խնդրածս մեծ բան չէր: Ֆեդերացիայից խնդրել էի միայն հարմարավետ տոմս: Չէի խնդրել արծաթ կամ այլ թանկարժեք բան, պարզապես քանի որ պետք է քսան ժամ օդում լինեի, խնդրել էի հարմարավետ տոմս, եւ ինձ մերժեցին:
Եթե այս ամենից հետո քեզ եւս մեկ հնարավորթյուն տրվեր միանալ հավաքականին, կգայի՞ր:
Ես շատ ուրախ կլինեի միանալ Հայաստանի հավաքականին: Ողջունում եմ իմ Հայաստանում ապրող բոլոր հայերին:
Վերա Մարտիրոսյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։