Դեւիդ Հեյ. Կլիչկո - Պովետկին մենամարտը ոչ ոքի չի հետաքրքրում
16:41 16 օգոստոսի, 2013Բոլորս հասկանում ենք, որ Կլիչկոն լավ չեմպիոն է, սակայն ոչ ոք չի ցանկանում դիտել նրա մենամարտերը, հայտարարել է պրոֆեսիոնալ բռնցքամարտի սուպերծանրքաշային կարգում աշխարհի նախկին չեմպիոն, բրիտանացի Դեւիդ Հեյը՝ խոսելով գերծանրքաշային կարգում WBA, WBO, IBF եւ IBO վարկածներով աշխարհի չեմպիոն Վլադիմիր Կլիչկոյի եւ ռուս Ալեքսանդր Պովետկինի մենամարտի մասին։
«Ֆյուրիի հետ մենամարտն ավելի հետաքրքիր կլինի, քան Կլիչկո- Պովետկին մենամարտը։ Դա տիտղոսային մենամարտ է, սակայն դրա մասին գրեթե չեն խոսում։ Ոչ ոքի չի հետաքրքրում նրանց մենամարտը։ Մարդկանց հետաքրքիր է Հեյ-Ֆյուրի մենամարտը։ Եւ այդ ամենը գալիս է Վլադիմիրի անձից եւ նրա ոճից»,- բռնցքամարտիկի խոսքը մեջբերում է boxingnews.com-ը։
Հեյի եւ Ֆյուրիի միջեւ մենամարտը կկայանա սեպտեմբերի 28-ին Մանչեսթերում, իսկ Կլիչկոյի եւ Պովետկինի մենամարտը՝ հոկտեմբերի 5-ին Մոսկվայի «Օլիմպիական» մարզահամալիրում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։