Կլիչկո․ Եթե Չիսորայի հետ ծեծկռտուք լիներ, ապա նրա երեսին հետքեր կմնային

Չեմ կարող հաստատել Չիսորայի հետ ծեծկռտուքի մասին լուրերը, քանի որ այդպիսի բան չի եղել, ասել է պրոֆեսիոնալ բռնցքամարտի գերծանրքաշային կարգում WBA, WBO, IBF եւ IBO վարկածներով աշխարհի չեմպիոն Վլադիմիր Կլիչկոն: Ուկրաինացի բռնցքամարտիկը հերքել է իր եւ բրիտանացի Դերեկ Չիսորայի միջեւ Իբիցայի գիշերային ակումբներից մեկում տեղի ունեցած ծեծկռտուքի մասին լուրերը:

«Եթե իրականում ծեծկռտուք լիներ, ապա դրա հետքերը կտեսնեիք Չիսորայի երեսին»,- Կլիչկոյի խոսքը մեջբերում է rian.com-ը։

Ավելի վաղ հաղորդվում էր, որ գերծանրքաշային բռնցքամարտիկներին բաժանել են ակումբի անվտանգության աշխատակիցները։