Կազան-2013. Ջուլֆալակյանը կպայքարի բրոնզե մեդալի համար, Ալեքսանյանը եզրափակիչում է

17:05   16 հուլիսի, 2013

Կազանում ընթացող 27-րդ համաշխարհային ուսանողական խաղերի հունահռոմեական ըմբշամարտի մրցաշարի 96 կգ քաշային կարգում Հայաստանի ներկայացուցիչ Արթուր Ալեքսանյանը 3։1 հաշվով հաղթեց Իրանի ներկայացուցիչ Մահդի Ալյարիֆեյզաբադիին՝ դուրս գալով եզրափակիչ։ Հայ ըմբիշի մրցակիցը եզրափակիչում կլինի ռուսաստանցի Նիկիտա Մելնիկովը։

Օլիմպիական խաղերի արծաթե մեդալակիր Արսեն Ջուլֆալակյանը սփոփիչ գոտեմարտում 3։0 հաշվով հաղթել է բելառուս Ալեքսանդր Ձեմյանովիչին։ Ադրբեջանցի Էլվին Մուրսալիեւին հաղթելու դեպքում Ջուլֆալակյանը կնվաճի բրոնզե մեդալը։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։