Հենրիխ Մխիթարյանը՝ Ուկրաինայի առաջնության երեք խորհրդանշական հավաքականներում

Ուկրաինական ua-football.com-ն ամփոփել է Ուկրաինայի ավարտված առաջնության արդյունքները։

Կայքը ներկայացրել է իր խորհրդանշական հավաքականը, ինչպես նաեւ երկրպագուների կողմից ընտրված երկու խորհրդանշական հավաքականները՝ ՈւՊԼ-ի լավագույն ֆուտբոլիստները եւ ՈւՊԼ-ում հանդես եկող լավագույն լեգիոնականները։

Բոլոր երեք խորհրդանշական հավաքականներում է հայտնվել Դոնեցկի «Շախտյորի» եւ Հայաստանի հավաքականի կիսապաշտպան Հենրիխ Մխիթարյանը։

Մխիթարյանը մասնակցել է Ուկրաինայի առաջնության 29 հանդիպման։ ՈւՊԼ-ում Մխիթարյանը դարձել է 5 դուբլի, 1 հեթ-տրիկի եւ 5 գոլային փոխանցման հեղինակ։

Կիսապաշտպանը գրավել է բոլոր մրցակիցների դարպասները՝ բացի Մարիուպոլի «Իլիչեւիցից»։