«Լիվերպուլի» գլխավոր սկաուտը ներկա է եղել Դանիա - Հայաստան խաղին

16:45   12 հունիսի, 2013

Անգլիական «Լիվերպուլը» պատրաստ է 22 միլիոն ֆունտ ստերլինգ վճարել Դոնեցկի «Շախտյորի» եւ Հայաստանի ազգային հավաքականի կիսապաշտպանի Հենրիխ Մխիթարյանին ձեռք բերելու համար: 24-ամյա ֆուտբոլիստը դարձել է լիվերպուլյան ակումբի գլխավոր տրանսֆերային նպատակը:

«Լիվերպուլի» թվիթերյան պաշտոնական էջը հայտնում է, որ Անգլիայի 18-ակի չեմպիոնի գլխավոր սկաուտ Բարի Հանտերը ներկա է եղել հունիսի 11-ին Կոպենհագենում կայացած Դանիա – Հայաստան (0:4) աշխարհի առաջնության ընտրական հանդիպմանը եւ հետեւել է Հենրիխ Մխիթարյանի խաղին:

Հիշեցնենք, որ դանիացիներ դեմ խաղում Մխիթարյանը գեղեցիկ անցումից հետո խփեց Հայաստանի թիմի չորրորդ գնդակը: 

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։