Պաշտպանելով WBC վարկածով աշխարհի չեմպիոնի տիտղոսը թեթեւագույն քաշային կարգում` ճապոնացի Շինսուկե Յամանական հայտարարել է, որ իրեն անհրաժեշտ են Վիկ Դարչինյանից ուժեղ մրցակիցներ:
«Թեեւ ես հաղթեցի մրցավարների միաձայն որոշմամբ, սակայն հիանալի վերահսկում էի մենամարտի ընթացքն ու մրցակցիս գործողությունները:
Ինձ նոկաուտի ենթարկելու ոչ մի շանս ես նրան չտվեցի: Դարչինյանն ավելի ուժեղ էր մեկնարկային ռաունդներում, սակայն 5-րդ ռաունդից արդեն հոգնել էր: 5-6-րդ ռաունդներում ես կարողացա հավասարեցնել պայքարը, իսկ մենամարտի վերջնամասում շատ ավելի ուժեղ էի մրցակցից:
Իմ մեջ ավելի շատ ուժ ու էներգիա կար: Ես հասա իմ նպատակին` խուսափելով նրա ուժեղ հարվածներից: Դարչինյանին չհաջողվեց ուղիղ հարվածների շարք անցկացնել:
Նա իհարկե ուժեղ մրցակից է, բայց ինձ համար բավարար ուժեղ չէ: Ես կշարունակեմ մենամարտել ուժեղագույնների հետ, քանի որ իմ մեջ զգում եմ աճի եւ զարգացման ներուժ: Ես շատ կուզեի մենամարտել WBA վարկածով աշխարհի չեմպիոն Անսելմո Մորենոյի հետ», - Յամանակայի խոսքը մեջբերում է Boxingscene-ը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։