Երեւանում, ապրիլի 23-ին կկայանա ազատ ոճի ըմբշամարտի ԱՊՀ անդամ պետությունների զինված ուժերի մարզիկ-զինծառայողների առաջնությունը:
ՊՆ մամուլի ծառայությունից հայտնում են, որ առաջնությունը կազմակերպվում է ԱՊՀ անդամ պետությունների պաշտպանության նախարարների խորհրդի հովանու ներքո: ԱՊՀ ԶՈւ մարզիկ-զինծառայողների միջեւ ազատ ոճի ըմբշամարտ մարզաձեւի առանձին առաջնություն այս տարի կազմակերպվում է առաջին անգամ:
Առաջնության անցկացման ամբողջ ընթացքը կազմակերպում է ՀՀ Զինված ուժերի գլխավոր շտաբի մարտական պատրաստության վարչությունը:
Առաջնության հիմնական նպատակներն են ԱՊՀ անդամ-պետությունների զինված ուժերի միջեւ բարեկամության ամրապնդումն ու համագործակցության զարգացումը ֆիզիկական պատրաստության եւ սպորտի ոլորտում, առողջ ապրելակերպի քարոզումը ԱՊՀ պետությունների զինված ուժերում, երիտասարդության հայրենասիրական դաստիարակությունը, զինծառայող-մարզիկների բարձր չափանիշների պատրաստության փորձի փոխանակումը, մասսայական սպորտի զարգացումը անդամ-պետությունների զինված ուժերի զինծառայողների շրջանում, ինչպես նաեւ նրանց ֆիզիկական պատրաստության եւ բարոյահոգեբանական կայունության բարձրացումը:
Մրցումներն անցկացվում 55 կգ, 60 կգ, մինչեւ 74 կգ, 84 կգ, 96 կգ, 120 կգ: Յուրաքանչյուր թիմ կարող է հայտավորել մեկական մասնակից յուրաքանչյուր քաշային կարգում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։