«Լիվերպուլ» - «Չելսի»՝ 2:2
20:56 21 ապրիլի, 2013«Լիվերպուլն» ու Լոնդոնի «Չելսին» չպարզեցին հաղթողին անգլիական Պրեմյեր լիգայի 34-րդ տուրում: Խաղը կայացավ Լիվերպուլում եւ ավարտվեց 2:2 հաշվով:
Հանդիպման հաշիվը 26-րդ րոպեին բացեց լոնդոնցիների բրազիլացի կիսապաշտպան Օսկարը: Ընդմիջումից հետո «Չելսիի» նախկին հարձակվող Դանիել Սթարիջը խփեց լիվերպուլցիների պատասխան գնդակը, բայց րոպեներ անց Բելգիայի կիսապաշտպան Էդեն Ազարը 11 մետրանոց հարվածով դարձյալ առաջ մղեց «Չելսիին»: Լոնդոնցիներին չհաջողվեց պահպանել հաղթական հաշիվը, քանի որ ավելացված ժամանակում Լուիս Սուարեսը «Լիվերպուլին» փրկեց պարտությունից:
«Չելսին» 62 միավորով չորրորդ տեղում է, իսկ «Լիվերպուլը» 51 միավորով 7-րդն է:
Անգլիայի առաջնություն. 34-րդ տուր
«Լիվերպուլ» - «Չելսի»՝ 2:2
Դանիել Սթարիջ, 52, Լուիս Սուարես, 90+6 – Օսկար, 26, Էդեն Ազար, 57 (11մ.)
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։