Եվրո-2012-ից առաջ Գերմանիայի հավաքականը կայցելի Օսվենցիմ
15:15 28 մարտի, 20122012թ. Ֆուտբոլի Եվրոպայի առաջնությունից առաջ Գերմանիայի հավաքականը կայցելի Օսվենցիմի հուշահամալիր։ Այդ մասին հայտարարել է Գերմանիայի Ֆուտբոլի Ֆեդերացիայի (DFB) նախագահ Վոլֆգանդ Նիրբախը։ Վերջինիս խոսքով՝ ֆուտբոլային միությունը չի ցանկանում, որ այդ այցը դառնա հրապարակային շոու։
«Ես արդեն եղել եմ Օսվենցիմում եւ իմ անձնական փորձից հասկանում եմ, թե որքան կարեւոր է հիշել Հոլոքոստը»,- նշել է DFB-ի նախագահը։
Մինչեւ այս, Գերմանիայի հրեաների կենտրոնական խորհրդի (Dieter Graumann) նախագահ Դիտեր Գրաումանը կոչ էր արել DFB-ին եւ Գերմանիայի հավաքականին այցելել Օսվենցիմ եւ Բաբի Յար, հաղորդում է Juedische Allgemeine:
Հիշեցնենք, որ Երկրորդ համաշխարհային պատերազմի ժամանակ նացիստները լեհական Օսվենցիմ քաղաքի մերձակայքում ստեղծել էին համակենտրոնացման ճամբար, որտեղ սպանվել է 1.5 միլիոն մարդ: 1947-ին այդ տարածքում հուշահամալիր բացվեց:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։