Դեսային Մբապեին խորհուրդ է տվել 350 միլիոն եվրոյի դիմաց 1 տարի խաղալ Սաուդյան Արաբիայում
20:51 8 մայիսի, 2024Ֆրանսիայի հավաքականի կազմում աշխարհի ու Եվրոպայի չեմպիոն Մարսել Դեսային ՊՍԺ-ի 25-ամյա ֆրանսիացի հարձակվող Կիլիան Մբապեին խորհուրդ է տվել տեղափոխվել Սաուդյան Արաբիա։
Սպասվում է, որ այս ամռանը Մբապեն կմիանա Մադրիդի «Ռեալին»։
«Չեմ կարծում, որ «Ռեալը» կատարյալ տեղ է Մբապեի համար։ Ձախ եզրում արդեն խաղում է Վինիսիուսը։ Այնտեղ է նաեւ Բելինգեմը։ Մբապեն չի դառնա առաջին համարը։
Եթե խոսենք ֆուտբոլային բիզնեսի տեսանկյունից, ապա Մբապեին խորհուրդ կտայի 350 միլիոն եվրոյի դիմաց մեկ տարի խաղալ Սաուդյան Արաբիայում։ Հաջորդ տարի կվերադառնաս, աշխարհի առաջնության տարի, դու 26 տարեկան ես, եւ դեռ երկար տարիներ կխաղաս։
Երկու կողմերի համար էլ շահավետ բիզնես կլինի։ Սաուդյան Արաբիայի ստադիոններում ազատ տեղ չի լինի, շատ հեռուստաալիքներ կցուցադրեն նրա մասնակցությամբ հանդիպումները։ Մբապեի համար լավ հնարավորություն կլինի զբաղվել ֆուտբոլային բիզնեսով»,- Դեսայիի խոսքը մեջբերում է RMC Sport-ը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։