Խառը մենամարտերի թեթեւ քաշային կարգում UFC դասակարգման առաջին համար Արման Ծառուկյանը (Հայաստան) պատասխանել է այս քաշային կարգի UFC չեմպիոն Իսլամ Մախաչեւին (Ռուսաստան), որը հայտարարել էր, թե Ծառուկյանը երեք կամ չորս անգամ հրաժարվել է մենամարտել իր դեմ։
«Ճշմարտությունն այն է, որ Մախաչեւը ցանկանում է ինձ հետ մենամարտել կարճ իրազեկումից հետո, որպեսզի ստանա լրացուցիչ առավելություն։ Բայց դա այլեւս չի կրկնվի։ Երբ ես դու վերջին անգամ մենամարտել վեց շաբաթում երկու անգամ»,- թվիթերյան էջում (X սոցիալական ցանց) գրել է Արման Ծառուկյանը։
Ապրիլի 13-ին Արման Ծառուկյանը պարտութան էր մատնել բրազիլացի Չարլզ Օլիվեյրային՝ դառնալով չեմպիոնական տիտղոսի պաշտոնական հավակնորդ։
Մենամարտից հետո UFC-ն Արման Ծառուկյանին առաջարկել էր հունիսի 1-ին մենամարտել Իսլամ Մախաչեւի հետ, սակայն հայ մարտիկը հրաժարվել էր այդքան կարճ ժամանակում պատրաստվել չեմպիոնական մենամարտին։ Մախաչեւը հունիսի 1-ին Նյու Ջերսիում (ԱՄՆ) կմենամարտի ամերիկացի Դասթի Պորիեի հետ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։