ԵԱ․ Հայաստանի 6 բռնցքամարտիկ այսօր կպայքարի մեդալի համար
13:10 24 ապրիլի, 2024Սերբիայի մայրաքաղաք Բելգրադում անցկացվող բռնցքամարտի Եվրոպայի առաջնությունում Հայաստանի թիմն ապրիլի 24-ին կունենա քառորդ եզրափակիչի 6 մասնակից։ Հաղթանակը կապահովի առնվազն բրոնզե մեդալ։
48 կգ քաշային Բարեղամ Հարությունյանը կմենամարտի Վրաստանի ներկայացուցիչ Սախիլ Ալախվերդովի հետ։
51 կգ քաշային Ռուդոլֆ Գարբոյանի մրցակիցը կլինի իսպանացի Ռաֆայել Լոսանո Սերանոն։
54 կգ քաշային Դավիթ Եգորյանը ռինգ դուրս կգա հունգարացի Գաբոր Վիրբանի դեմ։
57 կգ քաշային Արթուր Բազեյանը կմենամարտի իտալացի Ջուզեպե Կանոնիչոյի հետ։
60 կգ քաշային Արթուր Սակակյանը կմրցի սլովենացի Տադեյ Չերնոգայի հետ։
67 կգ քաշային Արարատ Հարությունյանի մրցակիցը կլինի սլովենացի Նեյչ Պետրիչը։
Հայ բռնցքամարտիկներից արդեն առնվազն բրոնզե մեդալ են ապահովել երիտասարդների աշխարհի եւ Եվրոպայի չեմպիոն, 50 կգ քաշային Անուշ Գրիգորյանը, Եվրոպայի չեմպիոն, 70 կգ քաշային Անի Հովսեփյանը և աշխարհի եւ Եվրոպայի բրոնզե մեդալակիր Նարեկ Մանասյանը (92 կգ)։
Եվրոպայի առաջնությունը կավարտվի ապրիլի 28-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։