Արման Ծառուկյանը Օլիվեյրային հաղթելու համար կստանա մոտ 300 հազար դոլար

16:58   17 ապրիլի, 2024

Խառը մենամարտերի թեթեւ քաշային կարգում (մինչեւ 70 կգ) UFC դասակարգման առաջին համար Արման Ծառուկյանը (Հայաստան) Լաս Վեգասում տեղի ունեցած UFC 300 մրցաշարում բրազիլացի Չարլզ Օլիվեյրային հաղթելու համար կստանա մոտ 300 հազար դոլար, սակայն այդ գումարից ԱՄՆ-ում պետք է վճարել 40-45 տոկոս հարկեր, հաղորդում է sportrbc.ru-ն։

Մենամարտից առաջ ամերիկյան մամուլը գրել էր, որ Արման Ծառուկյանի մաքուր հոնորարը կկազմի 164 հազար դոլար։

Օլիվեյրային հաղթելու շնորհիվ Արման Ծառուկյանը ստացել է չեմպիոնական մենամարտ անցկացնելու իրավունք։ Այս քաշային կարգում UFC չեմպիոնը ռուսաստանցի Իսլամ Մախաչեւն է։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։