Մբապեն այս մրցաշրջանում առնվազն 40 գոլ խփած առաջին ֆուտբոլիստն է առաջատար 5 լիգաներում
11:57 17 ապրիլի, 2024Ֆրանսիայի չեմպիոն ՊՍԺ-ի 25-ամյա ֆրանսիացի հարձակվող Կիլիան Մբապեն Իսպանիայի չեմպիոն «Բարսելոնայի» դեմ Չեմպիոնների լիգայի քառորդ եզրափակիչի պատասխան խաղում 2 գոլ խփելու շնորհիվ այս մրցաշրջանում գոլերի քանակը հասցրեց 41-ի 42 խաղում (Ֆրանսիայի առաջնություն՝ 24 գոլ, Չեմպիոնների լիգա՝ 8 գոլ, Ֆրանսիայի գավաթ՝ 8 գո, Ֆրանսիայի Սուպերգավաթ՝ 1 գոլ)։
Նա այս մրցաշրջանում առնվազն 40 գոլ խփած առաջին ֆուտբոլիստն է Եվրոպայի առաջատար հինգ լիգաներում։
ՊՍԺ-ն «Բարսելոնայի» հաղթել է 4:1 հաշվով եւ կիսաեզրափակիչում կմրցի Դորտմունդի «Բորուսիայի» հետ։
Մբապեի պայմանագիրը ՊՍԺ-ի հետ նախատեսված է մինչեւ այս մրցաշրջանի ավարտը։ Սպասվում է, որ նա ամռանը կտեղափոխվի Մադրիդի «Ռեալ»։ Transfermarkt-ը Մբապեի տրանսֆերային արժեքը գնահատում է 180 միլիոն եվրո։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։