Մարզչական նշանակումներ բասկետբոլի Հայաստանի հավաքականներում

Բասկետբոլի Հայաստանի հավաքականներում տեղի են ունեցել մարզչական նշանակումներ, հաղորդում է ՀԲՖ-ի ֆեյսբուքյան էջը:

2024 թվականի ամռանը կայանալիք Եվրոպայի C դիվիզիոնի առաջնությունում կանանց Հայաստանի մինչև 16 տարեկանների հավաքականը կգլխավորի Ալբերտ Հարությունյանը:

Հարությունյանի գլխավորությամբ «Հատիսը» դարձել է կանանց Հայաստանի առաջնության 2023/2024 մրցաշրջանի փոխչեմպիոն:

Կանանց Մ16 տարեկանների հավաքականը ընդգրկվել է A ենթախմբում, որտեղ կմրցի Վրաստանի, Ադրբեջանի և Կիպրոսի հավաքականների հետ: Հանդիպումները կկայանան 2024 թվականի հուլիսի 9-ից 14-ը Ջիբրալթարում:

Կանանց Հայաստանի մինչև 18 տարեկանների հավաքականի գլխավոր մարզիչի պաշտոնում է նշանակվել Հայաստանի հավաքականի նախկին խաղացող Արտյոմ Թավակալյանը:

Նրա գլխավորությամբ «Ֆոքսիսը» նվաճել է կանանց Հայաստանի 2023/24 մրցաշրջանի չեմպիոնի տիտղոսը։

Կանանց Մ18 տարեկանների հավաքականն ընդգրկված է C դիվիզիոնի B ենթախմբում, որտեղ կմրցի Ալբանիայի, Վրաստանի և Ադրբեջանի թիմերի հետ: Հանդիպումները տեղի կունենան հուլիսի 23-ից 28-ը Կոսովոյի Պրիշտինա քաղաքում: