Անգլիայի չեմպիոն «Մանչեսթեր Սիթիի» դեմ Չեմպիոնների լիգայի քառորդ եզրափակիչի առաջին խաղում Մադրիդի «Ռեալը» գնդակի վերահսկման 38 տոկոսով երրորդ վատագույն ցուցանիշն է գրանցել ակումբի պատմության մեջ, հաղորդում է Opta Sport-ը։ Մադրիդում հանդիպումն ավարտվել էր ոչ ոքի՝ 3:3:
Այս վիճակագրական ցուցանիշով նախորդ երկու վատագույն հանդիպումներում «Ռեալի» մրցակիցները դարձյալ եղել էին կատալոնացի Խոսեպ Գվարդիոլայի գլխավորած թիմերը։
2011 թվականին Չեմպիոնների լիգայի կիսաեզրափակիչում «Բարսելոնայի» դեմ խաղում (0:2) «Ռեալն» ունեցել է գնդակի վերահսկման 24 տոկոս, իսկ 2014-ին «Բավարիայի» դեմ խաղում (1:0) «Ռեալը» գնդակը վերահսկել է ժամանակի 28 տոկոսը։
«Մանչեսթեր Սիթի» - «Ռեալ» պատասխան հանդիպումը տեղի կունենա ապրիլի 17-ին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։