Էդգար Սեւիկյանը գրավեց Չեխիայի հավաքականի դարպասը

Ֆուտբոլի Հայաստանի ազգային հավաքականը Պրահայում ընկերական հանդիպում է անցկացնում Չեխիայի հավաքականի հետ։

Հանդիպմանը հաշիվը 14-րդ րոպեին բացեց հունգարական «Ֆերենցվարոշի» 22-ամյա հարձակվող Էդգար Սեւիկյանը։

Էդգար Սեւիկյանն առաջին գոլը խփեց ազգային թիմում։ Նրան գոլային փոխանցում կատարեց «Արարատ-Արմենիայի» կիսապաշտպան Կամո Հովհաննիսյանը, որը 80-րդ հանդիպումն է անցկացնում հավաքականում։

Ընթանում է առաջին խաղակեսը։

Հայաստան․ Օգնյեն Չանչարեւիչ, Դավիթ Դավիդյան, Վարազդատ Հարոյան, Անդրե Կալիսիր, Ստյոպա Մկրտչյան, Գեորգի Հարությունյան, Հովհաննիսյան, Հովհաննես Հարությունյան, Լուկաս Սելարայան, Էդգար Սեւիկյան, Նորբերտո Բալեկյան:

Ֆոտո՝ ՀՖՖ