ՉԼ․ ՊՍԺ-ն ու «Բավարիան» դուրս եկան քառորդ եզրափակիչ (տեսանյութ)

Ֆրանսիայի չեմպիոն ՊՍԺ-ն եւ Գերմանիայի չեմպիոն «Բավարիան» դուրս եկան Չեմպիոնների լիգայի քառորդ եզրափակիչ։

ՊՍԺ-ն 1/8 եզրափակիչի պատասխան խաղում հյուրընկալվեց իսպանական «Ռեալ Սոսիեդադին» եւ առավելության հասավ 2:1 հաշվով։

15-րդ րոպեին ֆրանսիացի հարձակվող Ուսման Դեմբելեի փոխանցումն արդյունավետ օգտագործեց ֆրանսիացի հարձակվող Կիլիան Մբապեն (տեսանյութ)։

KM. pic.twitter.com/BT1jfGiINb

— UEFA Champions League (@ChampionsLeague) March 5, 2024

56-րդ րոպեին Մբապեն ձեւակերպեց դուբլ (տեսանյութ)։ Գոլային փոխանցումը կատարեց հարավկորեացի կիսապաշտպան Լի Կան Ինը։

89-րդ րոպեին դաշտի տերերից հաշվի տարբերությունը կրճատեց իսպանացի կիսապաշտպան Միկել Մերինոն։

Առաջին խաղում ՊՍԺ-ն Փարիզում հաղթել էր 2:0 հաշվով։

Օրվա մյուս խաղում Գերմանիայի չեմպիոն Մյունխենի «Բավարիան» ընդունեց Իտալիայի փոխչեմպիոն Հռոմի «Լացիոյին» եւ հաղթեց 3:0 հաշվով։

39-րդ րոպեին հանդիպման հաշիվը բացեց անգլիացի հարձակվող Հարի Քեյնը (տեսանյութ)։ Ավելացված երկրորդ րոպեին գերմանացի Թոմաս Տուխելի գլխավորած թիմի առավելությունը կրկնապատկեց գերմանացի հարձակվող Թոմաս Մյուլերը, որը հոլանդացի պաշտպան Մատեյս Դե Լիգտի հարվածից հետո շեղեց գնդակի ուղղությունը  (տեսանյութ)։

66-րդ րոպեին Հարի Քեյնը խփեց իր երկրորդ գոլը գերմանացի կիսապաշտպան Լերոյ Սաների փոխանցումից հետո (տեսանյութ)։

Առաջին խաղում «Բավարիան» Հռոմում պարտվել էր 0:1 հաշվով։

Bayern comeback #UCL pic.twitter.com/kB6sSmhH8s

— UEFA Champions League (@ChampionsLeague) March 5, 2024