ՉԼ․ «Նապոլին» ոչ ոքի խաղաց «Բարսելոնայի» հետ, «Պորտուն» հաղթեց «Արսենալին» (տեսանյութ)

01:55   22 փետրվարի, 2024

Չեմպիոնների լիգայի 1/8 եզրափակիչի առաջին խաղում Իտալիայի չեմպիոն «Նապոլին» ընդունեց Իսպանիայի չեմպիոն «Բարսելոնային» եւ բավարարվեց ոչ ոքի արդյունքով՝ 1:1 (տեսանյութ):

60-րդ րոպեին հանդիպման հաշիվը բացեց «Բարսելոնայի» լեհ հարձակվող Ռոբերտ Լեւանդովսկին։ 76-րդ րոպեին պատասխան գոլը խփեց նիգերիացի հարձակվող Վիկտոր Օսիմենը։

Օրվա մյուս խաղում Պորտուգալիայի փոխչեմպիոն «Պորտուն» ընդունեց Անգլիայի փոխչեմպիոն «Արսենալին» եւ հաղթեց նվազագույն հաշվով։

Միակ գոլը ավելացված չորրորդ րոպեին խփեց բրազիլացի կիսապաշտպան Վենդերսոն Գալենոն (տեսանյութ)։

Այս թիմերի պատասխան հանդիպումները տեղի կունենան մարտի 12-ին։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։