Մադրիդի «Աթլետիկոն» ուժեղ էր «Լաս Պալմասից»՝ 5:0 (տեսանյութ)

Իսպանիայի առաջնության 25-րդ տուրում Մադրիդի «Աթլետիկոն» ընդունեց «Լաս Պալմասին» եւ պարտության մատնեց 5:0 հաշվով։

Առաջին խաղակեսում դուբլի հեղինակ դարձավ իսպանացի կիսապաշտպան Մարկոս Լիորենտեն, երկրորդ խաղակեսում՝ արգենտինացի հարձակվող Անխել Կոռեան։ Արգենտինացի Դիեգո Սիմեոնեի գլխավորած թիմի 5-րդ գոլն էլ խփեց հոլանդացի հարձակվող Մեմֆիս Դեպայը։

«Աթլետիկոն» 51 միավորով երրորդն է։ Նույնքան միավոր ունի չորրորդ տեղում գտնվող «Բարսելոնան», որը մեկ հանդիպում քիչ է անցկացրել։ «Լաս Պալմասը» 8-րդն է՝ 35 միավոր։

Իսպանիայի առաջնություն, 25-րդ տուր

«Աթլետիկո Մադրիդ» - «Լաս Պալմաս»՝ 5:0 (տեսանյութ)

Մարկոս Լիորենտե, 15, 20,  Անխել Կոռեա, 47, 62, 11մ, Մեմֆիս Դեպայ, 87