«Զենիթը» 1,2 միլիոն եվրո աշխատավարձ է առաջարկել Նաիր Տիկնիզյանին
16:40 23 հունվարի, 2024Ֆուտբոլի Ռուսաստանի չեմպիոն Սանկտ Պետերբուրգի «Զենիթը» 8 միլիոն եվրո է առաջարկել Մոսկվայի «Լոկոմոտիվին» 24-ամյա եզրային պաշտպան Նաիր Տիկնիզյանի տրանսֆերի համար։
«Զենիթը» Հայաստանի հավաքականի ֆուտբոլիստին առաջարկել է 5 տարվա պայմանագիր, տարեկան 1,2 միլիոն եվրո աշխատավարձ, հաղորդում է championat.com-ը։
Նաիր Տիկնիզյանը Մոսկվայի ԲԿՄԱ-ի սան է։ Նրա տրանսֆերի գումարի 10 տոկոսը կստանա ԲԿՄԱ-ն։
Ընթացիկ մրցաշրջանում Նաիր Տիկնիզյանը մասնակցել է 23 հանդիպման, խփել է 8 գոլ, կատարել 5 գոլային փոխանցում։
Նաիր Տիկնիզյանը ճանաչվել էր «Լոկոմոտիվի» լավագույն ֆուտբոլիստը դեկտեմբերին տեղի ունեցած հանդիպումների արդյունքում։
Transfermarkt-ը Նաիր Տիկնիզյանի տրանսֆերային արժեքը գնահատում է 7 միլիոն եվրո։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։