Մադրիդի «Ռեալը» ձեռք կբերի 19-ամյա պուերտոռիկացի խաղացողի

14:17   22 հունվարի, 2024

Մադրիդի «Ռեալը» ձեռք կբերի իսպանական «Կաստելյոնի» 19-ամյա պուերտոռիկացի կիսապաշտպան Ժերեմի դե Լեոնին, հաղորդում է twitter.com/fabrizioromano-ն։ Պայմանագիրը նախատեսված կլինի մինչեւ 2026թ․ հունիս։

Ժերեմի դե Լեոնն այս մրցաշրջանում կխաղա Արքայական ակումբի երկրորդ թիմում, որը հանդես է գալիս երրորդ դիվիզիոնում։

Ժերեմի դե Լեոնը Պուերտո Ռիկոյի մինչեւ 20 տարեկանների հավաքականում անցկացրել է 5 հանդիպում, խփել 5 գոլ։ Tramsfermarkt-ը նրա տրանսֆերային արժեքը գնահատում է 200 հազար եվրո։

Դե Լեոնը կլինի առաջին պուերտոռիկացի ֆուտբոլիստը «Ռեալի» պատմության մեջ։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։