«Բավարիան» 5 տարվա պայմանագիր է կնքել Բրայան Սարագոսայի հետ
17:08 6 դեկտեմբերի, 2023Գերմանիայի չեմպիոն Մյունխենի «Բավարիան» հայտարարել է իսպանական «Գրանադայի» եւ Իսպանիայի հավաքականի 22-ամյա հարձակվող Բրայան Սարագոսայի հետ պայմանագիր կնքելու մասին։ Ֆուտբոլիստը գերմանացի Թոմաս Տուխելի գլխավորած թիմին կմիանա 2024թ․ հուլիսին, հաղորդում է գերմանական ակումբի մամուլի ծառայությունը։ Պայմանագիրը նախատեսված է մինչեւ 2029թ․ հունիսի 30-ը։
Ավելի վաղ հայտնի էր դարձել, որ «Բավարիան» Սարագոսայի տրանսֆերի համար կվճարի 15 միլիոն եվրո։
Սարագոսան «Գրանադայի» սան է։ Ակումբի գլխավոր թիմի հետ նա մասնակցել է 51 հանդիպման, խփել է 10 գոլ։
Transfermarkt-ը Սարագոսայի տրանսֆերային արժեքը գնահատում է 8 միլիոն եվրո։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։