Չեմպիոնների լիգայի պատմության մեջ 10000-րդ գոլը խփեց Սերխիո Ռամոսը (տեսանյութ)
00:32 30 նոյեմբերի, 2023Ֆուտբոլի եվրոպական Չեմպիոնների լիգայի պատմության մեջ 10000-րդ գոլը խփեց իսպանական «Սեւիլիայի» 37-ամյա իսպանացի պաշտպան Սերխիո Ռամոսը (տեսանյութ), հաղորդում է BBC-ն։ Խմբային մրցաշարի 5-րդ տուրում «Սեւիլիան» 2:3 հաշվով պարտվեց հոլանդական «ՊՍՎ Էյնդհովենից» եւ զրկվեց փլեյ-օֆֆ դուրս գալու հնարավորությունից։
Ռամոսը նախորդ անգամ «Սեւիլիայում» գոլ խփել էր 2005 թվականին։ Հետագայում նա հանդես է եկել Մադրիդի «Ռեալում» եւ Փարիզի ՊՍԺ-ում։
Չեմպիոնների լիգայի պատմության մեջ 6000-րդ գոլը եւս խփել էր Սերխիո Ռամոսը 2013 թվականին «Ռեալի» կազմում։ Անգլիական «Մանչեսթեր Յունայթեդի» դեմ խաղում նա գրավել էր սեփական դարպասը։
Այս վիճակագրությունը հաշվարկվում է 1992 թվականից, երբ եվրոպական Չեմպիոնների գավաթի խաղարկությունը վերափոխվեց Չեմպիոնների լիգայի։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։