Ա Սերիա․ Լաուտարո Մարտինեսն՝ ամսվա լավագույն ֆուտբոլիստ

Իտալիայի գավաթակիր եւ սուպերգավաթակիր Միլանի «Ինտերի» եւ աշխարհի չեմպիոն Արգենտինայի հավաքականի հարձակվող Լաուտարո Մարտինեսը ճանաչվել է իտալական Ա Սերիայի լավագույն խաղացող հոկտեմբերին տեղի ունեցած հանդիպումների արդյունքում, հաղորդում է առաջնության մամուլի ծառայությունը։

Մրցանակին հավակնում էին նաեւ «Յուվենտուսի» պաշտպան Բրեմերը, «Նապոլիի» կիսապաշտպան Խվիչա Կվարացխելիան, «Միլանի» կիսապաշտպան Կրիստիան Պուլիշիչը, «Բոլոնիայի» հարձակվող Ռիկարդո Օրսոլինին եւ «Ֆրոզինոնեի» հարձակվող Մատիաս Սուլեն։

Հոկտեմբերին Մարտինեսը մասնակցել է Իտալիայի առաջնության երեք հանդիպման, խփել երկու գոլ։