Թայսոն Ֆյուրին հաղթեց Ֆրենսիս Նգանուին (ֆոտո, վիդեո)

11:11   29 հոկտեմբերի, 2023

Պրոֆեսիոնալ բռնցքամարտի սուպերծանր քաշային կարգում WBC վարկածով աշխարհի չեմպիոն, բրիտանացի Թայսոն Ֆյուրին հաղթեց խառը մենամարտերի (MMA) ներկայացուցիչ, կամերունցի Ֆրենսիս Նգանուին Սաուդյան Արաբիայի մայրաքաղաք Էր Ռիյադում տեղի ունեցած բռնցքամարտի կանոններով մենամարտում։

Երրորդ ռաունդում Նգանուն նոկդաունի ենթարկեց մրցակցին, սակայն Ֆյուրին կարողացավ շարունակել մենամարտը, որը տեւեց 10 ռաունդ։

Մրցավարների ոչ միաձայն որոշմամբ Ֆյուրին ճանաչվեց հաղթող։

Ֆյուրին 35 մենամարտ է անցկացրել պրոֆեսիոնալ ռինգում՝ տանելով 34 հաղթանակ։ Մեկ մենամարտ ավարտվել է ոչ ոքի։

Նգանուն նորամուտը նշեց պրոֆեսիոնալ բռնցքամարտում։ MMA-ում նա անցկացրել է 20 մենամարտ, տարել է 17 հաղթանակ, կրել 3 պարտություն։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։