Անչելոտի․ Բարդ ստադիոնում կարողացանք 3 միավոր վաստակել, բայց մրցաշրջանի ավարտին դեռ շատ կա
22:08 28 հոկտեմբերի, 2023Իսպանիայի փոխչեմպիոն Մադրիդի «Ռեալի» իտալացի գլխավոր մարզիչ Կառլո Անչելոտին մեկնաբանել է 2:1 հաշվով հաղթանակը չեմպիոն «Բարսելոնայի» նկատմամբ Լա Լիգայի առաջնության 11-րդ տուրում։
«Հիմնական գործոնը եղավ թիմի տրամադրվածության տարբերությունը առաջին եւ երկրորդ խաղակեսում։
Առաջին խաղակեսում մենք խաղում էինք դանդաղ, ծույլ, ոչ ագրեսիվ, երկրորդ խաղակեսում՝ հակառակը։
Այո, երբեմն պատահում է, որ խաղում ես ոչ այնպես, ինչպես կցանկանայիր։ Մենք մեր խաղամակարդակին չէինք։ Բարեբախտաբար, վերջնամասն այլ կերպ դասավորվեց, եւ մենք կարողացանք հաղթել։
Բարդ ստադիոնում կարողացանք 3 միավոր վաստակել, բայց մրցաշրջանի ավարտին դեռ շատ կա։ «Բարսելոնան» մեծագույն թիմ է եւ մնում է պայքարի մեջ մինչեւ վերջ»,- Անչելոտիի խոսքը մեջբերում է AS-ը։
«Ռեալը» 28 միավորով գլխավորեց մրցաշարային աղյուսակը։ Նույնքան միավոր ունի երկրորդ տեղում գտնվող «Ժիրոնան»։ «Բարսելոնան» երրորդն է՝ 24 միավոր։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։