Իսպանիայի առաջնության 11-րդ տուրում չեմպիոն «Բարսելոնան» ընդունեց փոխչեմպիոն Մադրիդի «Ռեալին» եւ պարտություն կրեց 1:2 հաշվով։
Արդեն 6-րդ րոպեին հանդիպման հաշիվը բացեց կատալոնական թիմի եւ Գերմանիայի հավաքականի կիսապաշտպան Իլկայ Գյունդոգանը, որն օգտվեց «Ռեալի» ավստրիացի պաշտպան Դավիդ Ալաբայի սխալից։
Իտալացի Կառլո Անչելոտիի գլխավորած թիմը հավասարությունը վերականգնեց 20-ամյա անգլիացի կիսապաշտպան Ջուդ Բելինգեմի գոլի շնորհիվ։ 68-րդ րոպեին նա հեռվից կատարած հարվածով գրավեց գերմանացի Մարկ-Անդրե Տեր Շտեգենի պաշտպանած դարպասը։
Ավելացված ժամանակում Բելինգեմը դարձավ նաեւ հաղթական գոլի հեղինակ (տեսանյութ)։ Գոլային փոխանցումը կատարեց խորվաթ կիսապաշտպան Լուկա Մոդրիչը։
«Ռեալը» 28 միավորով գլխավորեց մրցաշարային աղյուսակը։ Նույնքան միավոր ունի երկրորդ տեղում գտնվող «Ժիրոնան»։ «Բարսելոնան» երրորդն է՝ 24 միավոր։
Իսպանիայի առաջնություն, 11-րդ տուր
«Բարսելոնա» - «Ռեալ Մադրիդ»՝ 1:2 (տեսանյութ)
Իլկայ Գյունդոգան, 6 - Ջուդ Բելինգեմ, 68, 90+2
Simplemente, @BellinghamJude.#ELCLÁSICO | #LALIGAEASPORTS pic.twitter.com/7EJIRPTsAa
— LALIGA (@LaLiga) October 28, 2023
¡!
— LALIGA (@LaLiga) October 28, 2023
@kepa_46#ELCLÁSICO | #LALIGAEASPORTS#LALIGAHighlights pic.twitter.com/LWxm1alDOG
FP: @FCBarcelona_es 1-2 @RealMadrid
— Real Madrid C.F. (@realmadrid) October 28, 2023
Gündoğan 6'; @BellinghamJude 68', 90'+2'#ElClásico | #Emirates pic.twitter.com/Zycr5FotVi
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։