Նիդերլանդների թիմը հրաժարվել է մեկնել Բաքու

Ձյուդոյի Նիդերլանդների թիմը, անվտանգության նկատառումներից ելնելով, հրաժարվել է մեկնել Բաքու, որտեղ սեպտեմբերի 22-24-ը կանցկացվի Ձյուդոյի միջազգային ֆեդերացիայի «Մեծ սաղավարտ» շարքի հերթական մրցաշարը, հաղորդում է nos.nl-ն։

Պատճառը Ադրբեջանի ագրեսիան է Լեռնային Ղարաբաղի Հանրապետության դեմ։

Նիդերլանդների 15 ձյուդոիստներ պետք է մասնակցեին մրցաշարին, որը նաեւ օլիմպիական վարկանիշային է։

Նշենք, որ սեպտեմբերի 20-ին ֆուտզալի Նիդերլանդների ազգային հավաքականը Բաքվում Ադրբեջանի թիմի դեմ կանցկացնի աշխարհի առաջնության ընտրական փուլի էլիտ ռաունդի երկրորդ տուրի հանդիպումը։ Ֆուտզալի Նիդերլանդների հավաքականը Բաքվում է։