Նեյմարն «Ալ Հիլյալում» կստանա 160 միլիոն եվրո
10:41 14 օգոստոսի, 2023Բրազիլիայի հավաքականի 31-ամյա հարձակվող Նեյմարը կարիերան կշարունակի «Ալ Հիլյալում»։ Կողմերը համաձայնության են հասել երկու տարվա պայմանագրի հարցում։ Նեյմարը երկու մրցաշրջանի համար կստանա 160 միլիոն եվրո, հաղորդում է ֆրանսիական L'Équipe-ը։
«Ալ Հիլյալն» արդեն համաձայնության է հասել ՊՍԺ-ի հետ, որը դեմ չի եղել Նեյմարի հեռանալուն։ Փարիզյան ակումբը տրանսֆերից կստանա 60 միլիոն եվրո։
2017-ին ՊՍԺ-ն Նեյմարի տրանսֆերի համար «Բարսելոնային» վճարել էր 222 միլիոն եվրո։ Այս ընթացքում Նեյմարը փարիզյան թիմի հետ մասնակցել է 173 հանդիպման, խփել է 118 գոլ, կատարել 77 գոլային փոխանցում։
Նեյմարը չէր ընդգրկվել իսպանացի Լուիս Էնրիկեի գլխավորած թիմի հայտացուցակում «Լորիանի» դեմ Ֆրանսիայի առաջնության մեկնարկային տուրի խաղին (0:0)։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։