Մարկուս Տյուրամը տեղափոխվեց Միլանի «Ինտեր»

14:03   1 հուլիսի, 2023

Ֆրանսիայի հավաքականի 25-ամյա հարձակվող Մարկուս Տյուրամը տեղափոխվեց Իտալիայի գավաթակիր եւ սուպերգավաթակիր «Ինտեր», հաղորդում է ակումբի կայքը։

Ազատ գործակալի կարգավիճակում միլանյան ակումբին միացած ֆուտբոլիստը կնքել է 4 տարվա պայմանագիր։

Մարկուս Տյուրամի նախորդ ակումբը Մյոնխենգլադբախի «Բորուսիան» էր։ Ավարտված մրցաշրջանում նա գերմանական թիմի հետ մասնակցել է 32 հանդիպման, խփել է 16 գոլ, կատարել 7 գոլային փոխանցում։

Transfermarkt-ը Տյուրամի տրանսֆերային արժեքը գնահատում է 32 միլիոն եվրո։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։