Պորտուգալիայի երիտասարդական հավաքականի հարձակողական կիսապաշտպան Ֆաբիո Կարվալյուն տեղափոխվեց «ՌԲ Լայպցիգ»։ Կողմերը կնքել են մեկ տարվա վարձակալության պայմանագիր, հաղորդում է գերմանական ակումբի մամուլի ծառայությունը։
20-ամյա Ֆաբիո Կարվալյուն Լիսաբոնի «Բենֆիկայի» ակադեմիայի սան է։ 2013-ին ընտանիքի հետ տեղափոխվել է Անգլիա եւ եղել է Լոնդոնի «Ֆուլհեմի» համակարգում։
Ֆաբիո Կարվալյուն անցած տարվա ամռանն է միացել «Լիվերպուլին»։ Ավարտված մրցաշրջանում նա գերմանացի Յուրգեն Կլոպի գլխավորած թիմի հետ մասնակցել է 21 հանդիպման բոլոր մրցաշարերում, խփել է 3 գոլ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։