Խորվաթ կիսապաշտպան Մատեո Կովաչիչը Լոնդոնի «Չելսիից» տեղափոխվեց Անգլիայի չեմպիոն, գավաթակիր, Չեմպիոնների լիգայի գավաթակիր «Մանչեսթեր Սիթի»։
Տրանսֆերի գումարը կազմել է մոտ 30 միլիոն եվրո։ Կողմերը կնքել են 4 տարվա պայմանագիր, հաղորդում է մանչեսթերյան ակումբի մամուլի ծառայությունը։
29-ամյա ֆուտբոլիստը «Չելսիում» անցկացրած 5 մրցաշրջանի ընթացքում մասնակցել է 221 հանդիպման, դարձել Չեմպիոնների լիգայի, Եվրոպայի լիգայի, աշխարհի ակումբային առաջնության հաղթող, Եվրոպայի սուպերգավաթակիր։
Կովաչիչը Զագրեբի «Դինամոյի» սան է, 2013-ին տեղափոխվել է Միլանի «Ինտեր», երկու տարի անց միացել է Մադրիդի «Ռեալին», որտեղից էլ տեղափոխվել էր «Չելսի»։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։