Կանտեն դարձավ Բենզեմայի թիմակիցը «Ալ Իթիհադում»

Սաուդյան Արաբիայի «Ալ Իթիհադը» հայտարարեց Լոնդոնի «Չելսիից» 32-ամյա ֆրանսիացի կիսապաշտպան Նգոլո Կանտեին ձեռք բերելու մասին։ Կողմերը կնքել են չորս տարվա պայմանագիր։

Հիշեցնենք, որ այս ամիս «Ալ Իթիհադին» է միացել նաեւ Մադրիդի «Ռեալից» հեռացած ֆրանսիացի հարձակվող Քարիմ Բենզեման։

«Ալ Իթիհադը» Սաուդյան Արաբիայի չեմպիոնն է։

Կանտեն 2016 թվականին էր «Լեսթեր Սիթիից» տեղափոխվել «Չելսի», որի հետ դարձել է Անգլիայի չեմպիոն, գավաթակիր, Անգլիական լիգայի գավաթակիր, Չեմպիոնների լիգայի գավաթակիր, Եվրոպայի լիգայի հաղթող, Եվրոպայի սուպերգավաթակիր, աշխարհի ակումբային չեմպիոն։

Kanté is wearing the yellow jersey!
to
#WelcomeBox2Box pic.twitter.com/swt8eVdM81

— Ittihad Club (@ittihad_en) June 20, 2023