ԱԱ-2022. Ուպամեկանոյի եւ Ռաբյոյի մասնակցությունը կիսաեզրափակիչին հարցականի տակ է

21:15   13 դեկտեմբերի, 2022

Աշխարհի չեմպիոն Ֆրանսիայի հավաքականի պաշտպան Դեոտշանկյուլ Ուպամեկանոյի («Բավարիա») եւ կիսապաշտպան Ադրիեն Ռաբյոյի («Յուվենտուս») մասնակցությունը աշխարհի առաջնության կիսաեզրափակիչի հանդիպմանը հարցականի տակ է, հաղորդում է ֆրանսիական L'Equipe-ը։

Ռաբյոն ու Ուպամեկանոն չեն կարողացել հավաքականի ընդհանուր խմբում մասնակցել դեկտեմբերի 13-ի մարզմանը։ Երկու ֆուտբոլիստներն էլ մրսածություն ունեն եւ կոկորդի ցավ։ Նրանք թեթեւ մարզում են անցկացրել մարզադահլիճում։

Կիսաեզրափակիչի Ֆրանսիա - Մարոկկո հանդիպումը տեղի կունենա դեկտեմբերի 14-ին եւ կմեկնարկի Երեւանի ժամանակով 23:00-ին։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։