Ֆուտբոլի Ռուսաստանի առաջնության երրորդ տուրում գործող չեմպիոն պետերբուրգյան «Զենիթը» 3:2 հաշվով տնային հաղթանակ տարավ «Կրասնոդարի» նկատմամբ: Տանտերերից առաջին խաղակեսում դուբլի հեղինակ դարձավ իրանցի հարձակվող Սերդար Ազմունը:
Հայաստանի ազգային հավաքականի նորեկ Էդուարդ Սպերցյանը կրասնոդարցիների մեկնարկային կազմում անցկացրեց ամբողջ հանդիպումը: 14-րդ րոպեին 21-ամյա կիսապաշտպանը տուգանային հարվածով գրավեց մրցակցի դարպասը, սակայն հանդիպման գլխավոր մրցավարը VAR համակարգով կրկնապատկերը դիտելուց հետո չհաշվեց գոլը: Պատճառն այն էր, որ «Կրասնոդարի» խաղացողներից մեկը միացել էր «Զենիթի»՝ պատ կազմած ֆուտբոլիստներին և խանգարում էր նրանց:
«Զենիթը» 9 միավորով գլխավորում է մրցաշարաին աղյուսակը, իսկ «Կրասնոդարը» 3 միավորով 11-րդն է:
Ռուսաստանի առաջնություն, երկրորդ տուր
«Զենիթ» -«Կրասնոդար»՝ 3:2
Սերդար Ազմուն, 9, 35, Ալեքսանդր Երոխին, 44 – Ջոն Կորդոբա, 24, Ուրոշ Սպայիչ, 76
14' ГОООООЛЛЛ! Эдуард Сперцян забивает!! Ну, Эдик - молодчина!!!#ЗенитКраснодар – 1:1 pic.twitter.com/oeU1OPgI7e
— FCKrasnodar (@FCKrasnodar) August 7, 2021
17' Правила нарушены. К сожалению. Гол Сперцяна отменен из-за присутствия нашего футболиста в зенитовской "стенке".#ЗенитКраснодар – 1:0
— FCKrasnodar (@FCKrasnodar) August 7, 2021
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։