Ֆուտբոլի Ռուսաստանի առաջնության 28-րդ տուրում Սանկտ Պետերբուրգի «Զենիթը» սեփական դաշտում 6:1 հաշվով ուժեղ գտնվեց Մոսկվայի «Լոկոմոտիվից» և ժամանակից շուտ նվաճեց չեմպիոնի տիտղոսը: Պետերբուրգցիներից հեթ-տրիկի հեղինակ դարձավ իրանցի հարձակվող Սերդար Ազմունը, ռուս Արտյոմ Ձյուբան խփեց 2 գոլ, իսկ բրազիլացի կիսապաշտպան Մալկոմն աչքի ընկավ մեկ անգամ:
Առաջնության ավարտից 2 տուր առաջ Սերգեյ Սեմակի գլխավորած թիմը հավաքեց 61 միավոր և 9 միավոր առաջ անցավ երկրորդ տեղում գտնվող «Լոկոմոտիվից»:
«Զենիթը» 7-րդ անգամ դարձավ Ռուսաստանի չեմպիոն (2007, 2010, 2011/12, 2014/15, 2018/19, 2019/20, 2020/21): Սերգեյ Սեմակն առաջին մարզիչն է, որը «Զենիթին» 3 անգամ հասցրեց չեմպիոնության:
Ռուսաստանի առաջնություն, 28-րդ տուր
«Զենիթ» - «Լոկոմոտիվ»՝ 6:1
Արտյոմ Ձյուբա, 19, 51, Սերդար Ազմուն, 39, 45+3, 46, Մալկոմ, 67 – Ֆրանսիս Կամանո, 56
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։