Վիտալի Կլիչկոն չի հեռանում բռնցքամարտից

Կլիչկոն չի ասել, որ հեռանում է սպորտից, հայտարարել է Վիտալի Կլիչկոյի մամուլի ծառայության ղեկավար Օքսանա Զինովեւան: Նա հերքել է ավելի վաղ տարածված այն տեղեկությունները, ըստ որոնց ուկրաինացի բռնցքամարտիկն ավարտել է կարիերան: Զինովեւայի խոսքով Կլիչկոն ասել է, որ չի մնա սպորտում մինչեւ խոր ծերություն, հայտնում է sport.rbc.ru-ն:

Հիշեցնենք, որ գերծանրքաշային կարգում WBC վարկածով աշխարհի չեմպիոն Վիտալի Կլիչկոն սեպտեմբերի 8-ին Մոսկվայում հաղթել էր գերմանացի Մանուել Չառին: Մենամարտից հետո Կլիչկոն հայտարարել էր, որ կարիերան ավարտելու մասին որոշումը կկայացնի հոկտեմբերի 28-ից հետո, երբ տեղի կունենան երկրի Բարձրագույն Ռադայի ընտրությունները: