Օլիմպիականներն ամերիկյան դրոշները հանձնեցին Օբամային

Լոնդոնի Օլիմպիական եւ Պարալիմպիկ խաղերի բացման արարողությունների ժամանակ ամերիկյան պատվիրակությունների դրոշները փոխանցվել են ԱՄՆ  նախագահ Բարաք Օբամային:

Օբաման հանդիպել է երկու պատվիրակությունների մարզիկների հետ: Հանդիպմանը ներկա են եղել մոտ 400 ամերիկացի օլիմպիականներ: Դրոշները Օբամային են փոխանցել ամերիկացի դրոշակակիրներ, սուսերամարտիկ Մարիել Զագունիսը եւ Պարալիմպիկ խաղերի մասնակից, լողորդ Բրեդ Սնայդերը, հաղորդում է boston.com-ը:

Հիշեցնենք, որ 30-րդ ամառային Օլիմպիական խաղերում ԱՄՆ-ի հավաքականը նվաճեց 104 մեդալ, այդ թվում 46 ոսկե եւ գրավեց առաջին տեղը ոչ պաշտոնական թիմային հաշվարկում: