Դավիդ Ռիգերտը պաշտոնանկ է արվել
22:53 14 սեպտեմբերի, 2012Ռուսաստանի ծանրամարտի ֆեդերացիան պաշտոնանկ է արել տղամարդկանց Ռուսաստանի հավաքականի գլխավոր մարզիչ, օլիմպիական չեմպիոն Դավիդ Ռիգերտին։ Պաշտոնը լքել է նաեւ կանանց Ռուսաստանի հավաքականի գլխավոր մարզիչ Սոլտան Կարակոտովը։
Պատճառը Լոնդոնի Օլիմպիական խաղերում ոսկե մեդալ չնվաճելն է։ Ռուսաստանի ծանրորդները Լոնդոնում նվաճեցին հինգ արծաթե եւ մեկ բրոնզե մեդալ։
Մինչեւ հոկտեմբերի 15-ի կընդունվեն հայտեր թափուր պաշտոնների համար։ Ֆեդերացիան նշել է, որ օտարերկրացի չի հրավիրվի, քանի որ բազմաթիվ երկրների հավաքականները մարզվում են ռուսական մեթոդիկայով եւ հրավիրում են ռուսաստանցի մարզիչների, հաղորդում է sports.ru-ն։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։