Մանուել Չառ. Կլիչկոյի հետ մենամարտում հաղթեց բժիշկը

Սիրիական ծագմամբ գերմանացի բռնցքամարտիկ Մանուել Չառը WBC վարկածով աշխարհի չեմպիոնի տիտղոսի համար մենամարտում Կլիչկոյից կրած պարտության համար մեղադրել է բժիշկին:

«Ես մոտիվացված էի եւ ցանկանում էի նվաճել տիտղոսը: Վիտալի Կլիչկոն չեմպիոն է եւ մեծագույն բռնցքամարտիկ. ես նրան հարգում եմ, բայց այս մենամարտը հաղթեց բժիշկը: Ես ռեւանշ-մենամարտ եմ ցանկանում, ինչպես Կլիչկոն էր ցանկանում Լենոքս Լյուիսից կրած պարտությունից հետո:

Վիտալին իսկական տղամարդ է: Նա իմ կուռքն է: Շատերը նրա հետ մենամարտում են գումար վաստակելու համար, բայց ես եկել էի հաղթանակի համար»,- Չառի խոսքը մեջբերում է sportbox.ru-ն:

Հիշեցնենք, որ սեպտեմբերի 8-ին WBC վարկածով աշխարհի չեմպիոնի տիտղոսի համար մենամարտում Մանուել Չառը պարտվեց Վիտալի Կլիչկոյին: