17:43  AMT,  21 հուլիսի, 2012

Լոնդոն-2012. Հայ օլիմպիականները. Հռիփսիմե Խուրշուդյան

NEWS.am Sport-ը ներկայացնում է 30-րդ Օլիմպիական խաղերում Հայաստանի մարզիկներին։

Հռիփսիմե Խուրշուդյան, ծանրամարտ, +75 կգ

Ծնվել է 1987 թվականի հուլիսի 27-ին։

Հայաստանի բազմակի չեմպիոն, Եվրոպայի երիտասարդական առաջնության հաղթող (2007), աշխարհի երիտասարդական առաջնության հաղթող (2007), Եվրոպայի չեմպիոն, 75կգ (2007), Եվրոպայի կրկնակի փոխչեմպիոն, 75կգ (2006, 2009),
Եվրոպայի առաջնության բրոնզե մեդալակիր 75կգ (2010), Եվրոպայի փոխչեմպիոն, +75կգ (2011), աշխարհի առաջնության բրոնզե մեդալակիր 75կգ (2009)։

Անցած տարի Փարիզում կայացած աշխարհի առաջնությունում Հռիփսիմե Խուրշուդյանը Հռիփսիմեն լուրջ վնասվածք ստացավ, սակայն վիրահատությունից հետո շատ արագ ապաքինվեց ու սկսեց նախապատրաստվել Օլիմպիական խաղերին:

Անցնելով նախապատրաստական փուլն ըստ նախատեսված ծրագրի՝ Խուրշուդյանն այժմ  Հայաստանի հավաքականի կազմում Ռուսաստանի Պոդոլսկ քաղաքում վերջին հավաքն է անցկացնում Օլիմպիական խաղերից առաջ։

Հավաքականի գլխավոր մարզիչն է Արտաշես Ներսիսյանը

Հռիփսիմե Խուրշուդյան

«Պարզ է, որ Լոնդոն մեկնելու եմ միայն արդյունքի հասնելու համար: Սակայն չեմ կարող ասել, թե ինչ արդյունք կլինի: Կարեւորն է մրցումներին մոտենալ լավ մարզավիճակում եւ դրա համար արվում է ամեն ինչ թե իմ, թե մարզիչների կողմից: Մնացածն արդեն պետք է ձգտենք հանդես գալ մեր հնարավորությունների սահմաններում»:

Արտաշես Ներսիսյան

«Օլիմպիական խաղերը միշտ էլ տարբերվում են մյուս մրցումներից: Օլիմպիական մեդալ նվաճելն անհամեմատ դժվար  ու անհամեմատ հեղինակավոր է: Հռիփսիմեն միջազգային տարբեր կարգի մրցումների մեծ փորձ ունի: Ամենակարեւորն է, որ մեր մարզուհին կարողանա դրսեւորել իր իրական հնարավորությունները»:

Սամվել Խաչատրյան, Հայաստանի ծանրամարտի ֆեդերացիայի նախագահ

«Հռիփսիմեն լիարժեք վերականգնվել է վնասվածքից հետո եւ գտնվում է լավ մարզավիճակում: Օլիմպիական մրցաշարում մեր մարզուհին մրցելու է չինուհի  Չժոու Լուլուի եւ ռուս Տատյանա Կաշիրինայի հետ, պակաս հզոր մրցակից չէ նաեւ Կորեան ներկայացնող  Չան Մի Ռանը: Հուսով եմ, որ մենք տեղ կունենանք մրցանակային եռյակում»:

Հռիփսիմե Խուրշուդյանը օլիմպիական մրցահարթակ դուրս կգա օգոստոսի 5-ին:

NEWS.am Sport


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Artyom 00:07-23/07
Anhamber spasum enk mer nor olimpiakan herosnerin.shoxovurd chkaskacek ktesnek menk olimpiakan medal hastat kunenank ....Astvac mer boloris het
alen 09:14-01/08
she is the best
  • Այս թեմայով


  • Ֆեյսբուք
  • Հարցում
Ո՞ր թիմը կդառնա ֆուտբոլի 2014թ. աշխարհի չեմպիոն
Բրազիլիա
Արգենտինա
Իսպանիա
Գերմանիա
Իտալիա
Անգլիա
Ֆրանսիա
Այլ հավաքական
  • Վիճակագրություն
  • Արխիվ