Ֆուտբոլի Եվրոպայի լիգայի որակավորման երկրորդ փուլում Պլզենի «Վիկտորիան» հյուրընկալվելիս 3:1 հաշվով պարտության մատնեց Ռուստավիի «Մետալուրգին»:
Հյուրերի կազմում դուբլի հեղինակ դարձավ չեխ Պավել Հորվաթը, մեկ անգամ էլ աչքի ընկավ Չեխիայի ազգային հավաքականի կիսապաշտպան Դանիել Կոլարժը: «Մետալուգի» գոլն իր անվան դիմաց գրանցեց վրացի հարձակվող Դմիտրի Թաթանաշվիլին:
Հայաստանի երիտասարդական հավաքականի կիսապաշտպան Էդգար Մալաքյանը «Վիկտորիայի» մեկնարկային կազմում էր եւ փոխարինվեց խաղի 64-րդ րոպեին:
Պատասխան հանդիպումը կկայանա հուլիսի 26-ին Պլզենում:
Եվրոպայի լիգա, որակավորման 2-րդ փուլ
«Մետալուրգ» (Վրաստան) – «Վիկտորիա» (Չեխիա)՝ 1:3
Դմիտրի Թաթանաշվիլի, 29 - Պավել Հորվաթ, 14, 59, Դանիել Կոլարժը, 32
Հետևեք NEWS.am SPORT-ին Facebook-ում, Twitter և Telegram-ում