Le Monde. Նաոմի Քեմփբելն ու Քեյթ Մոսը կմասնակցեն Օլիմպիական խաղերի փակմանը

Թոփ-մոդելները կմասնակցեն Լոնդոնի Օլիմպիական խաղերի փակման արարողությանը, գրում է ֆրանսիական  Le Monde-ը։

Օգոստոսի 12-ին կայանալիք մեծ դեֆիլեին կմասնակցեն Նաոմի Քեմփբելը, Քեյթ Մոսը, Լիլի Քոուլը, Միք Ջագերի դուստր Ջորջիան։

Հրավիրվածների թվում եղել են նաեւ հայտնի դերասաններ, սակայն նրանք հրաժարվել են՝ նշելով, որ դերասանի իմիջի հետ չի զուգակցվում մասնակցելը զգեստի ցուցադրությանը։
Կազմակերպիչները պատասխանի են սպասում բազմաթիվ հոլիվուդյան աստղերից։

Իսկ նրանք, ովքեր կմասնակցեն՝ կցուցադրեն Stella McCartney. Sarah Burton,  Alexander McQueen եւ Vivienne Westwood նորաձեւության տների հագուստը։

Դեֆիլեն կանցնի Դեւիդ Բոուի երաժշտության ներքո, իսկ փակման արարողությանը կհնչի Take That-ի, The Who-ի, Էնի Լենոքսի եւ Ջորջ Մայքլի երաժշտությունը։

Հետևեք NEWS.am SPORT-ին Facebook-ում, Twitter և Telegram-ում