Մեսին դատի կտա հունգարական թերթին կեղծ հարցազրույցի համար

Արգենտինայի հավաքականի եւ «Բարսելոնայի» 25-ամյա ռմբարկու Լիոնել Մեսին մտադիր է դատի տալ հունգարական Képes Sport թերթին, որը հրապարակել է բացառիկ հարցազրույց ֆուտբոլիստի հետ։ Սակայն Մեսին հայտարարել է, որ հարցազրույց չի տվել տվյալ պարբերականին։ Նա ասել է, որ իրավունք է վերապահում դիմել դատարան, հաղորդում է sportsbusinessdaily.com-ը։

Képes Sport-ի հրապարակման մեջ նշվում է, որ Մեսին նախկինում եղել է վառ արտահայտված ինտրովերտ եւ դժվարությամբ է հաղորդակցվել մարդկանց հետ, իսկ այժմ դարձել է ավելի բաց մարդ։ Մեջբերում է արվել նաեւ Սեսկ Ֆաբրեգասի խոսքից։ «Սկզբում ես կարծում էի, թե գործ ունեմ համր մարդու հետ»,- իբր ասել է Ֆաբրեգասը։

Հետևեք NEWS.am SPORT-ին Facebook-ում, Twitter և Telegram-ում