Իսպանական Պրիմերայի 9-րդ տուրում «Բարսելոնան» հյուրընկալվելիս 3։2 հաշվով դժվարին հաղթանակ տարավ «Վալենսիայի» նկատմամբ՝ հաղթանակ կորզելով վերջին վայրկյաններին։
Խաղի հաշիվը 22-րդ րոպեին բացեց «Բարսելոնայի» արգենտինացի հարձակվող Լիոնել Մեսին, որը խփեց առաջին խաղակեսի միակ գոլը։ Երկրորդ խաղակեսի սկզբնամասում դաշտի տերերը 4 րոպեում խփեցին 2 գոլ եւ առաջ անցան հաշվի մեջ։ Կատալոնական ակումբի կազմում 62-րդ րոպեին հաշիվը հավասարեցրեց ուրուգվայցի հարձակվող Լուիս Սուարեսը, իսկ ավելացված ժամանակում Մեսին անվրեպ իրացրեց 11 մետրանոց հարվածը՝ հաղթանակ պարգեւելով հյուրերին։
«Բարսելոնայի» իսպանացի կիսապաշտպան Անդրես Ինյեստան 14-րդ րոպեին փոխարինվել է վնասվածքի պատճառով։
«Բարսելոնան» 19 միավորով ժամանակավորապես բարձրացավ առաջին տեղ եւ մեկական միավոր առաջ անցավ Մադրիդի «Աթլետիկոյից» ու «Ռեալից», որոնք մեկական խաղ պակաս են անցկացրել։
Իսպանիայի առաջնություն, 9-րդ տուր
«Վալենսիա» - «Բարսելոնա»՝ 2։3
Մունիր Էլ Հադադի, 52, Ռոդրիգո, 56 – Լիոնել Մեսի, 22, 90+4 (11մ), Լուիս Սուարես, 62
Հետևեք NEWS.am SPORT-ին Facebook-ում, Twitter և Telegram-ում